Timor-Leste: Piskiza Hateten Povu Optimismu, Maioria iha Intensaun atu Vota iha Eleisaun Tuir mai

Dili, Timor-Leste—Iha piskiza nasional ida ne’ebe publika ona loron ohin husi Institutu Republikanu Internasional (IRI) Centru Piskiza Hanoin indika katak respondente sira hatan ba piskiza ne’e optimistiku konaba nasaun nia prosperiu iha futuru no komitmentu atu partisipa iha prosesu demokratiku.

“Optimistiku hare ba oin no antusiasmu ba demokrasia ne’ebe hatudu iha piskiza ne’e enkoraza aas tebes,” hateten Diretur IRI Rejional ASIA nian, Derek Luyten. “Molok ba eleisaun presidensial oin mai, ne’e fundamental tebes katak lider politiku sira aproveita vontade popular ne’ebe diak husi povu nian ne’e atu resolve problema sira ne’ebe sidadaun sira preukupa teb-tebes, no foti pasu sira ne’ebe atu serteza ba sidadaun sira bele informadu konaba oinsa no wainhira mak atu vota.”

Pursentu hitu nulu resin rua husi respondente sira hanoin katak Timor-Leste sei sai diak liu iha tinan tuir mai, no besik metade (49 pursentu) sente katak nasaun lao ba dalan ne’ebe mak los. Estraordinariu tebes pursentu 98 husi respondente sira hatudu katak sira iha intensaun atu vota iha eleisaun presidensial no parlamentar iha 2017. Entantu, mesmu pursentu 53 husi respondente sira dehan katak sira iha “informasaun ne’ebe diak tebes” konaba eleisaun presidensial no parlamentar iha 2017, iha pursentu 75 sei presija informasaun tan konaba wainhira mak atu rejistu/resensiamentu no iha pursentu 71 sei presija informasaun tan konaba oinsa atu rejistu, no pursentu 77 presija informasaun tan atu rejistu no vota iha ne’ebe.  

Piskiza ne’e refleta atitude jeral konaba vontade diak husi governu Timor nian: iha kombinasaun ida pursentu 74 hanoin katak governu halao servisu diak ka “diak teb-tebes” (pursentu 29) ka “diak” (pursentu 45). Pursentu Haatnulu resin haat husi respondente identifika sira nia aan hanesan tama ka asosia ho partidu FRETILIN, ne’ebe mak dadaun ne’e mos hola parte iha koligasaun governu, no pursentu 75 mak “afavorese teb-tebs” konaba hanoin partidu nian.

Kualidade konaba estrada iha Timor nian mak ninia ranking/numeru ne’e aas teb-tebes ne’ebe sai problema importante liu nasaun hasoru dadaun (pursentu 29), konsistenti ho IRI nia piskiza antes ne’ebe halao iha Outubru 2013 (pursentu 25). Iha deit pursentu 29 husi respondente ne’ebe sente katak estrada sai diak liu tinan kotuk, nune pursentu 32 sente katak estrada sai aat liu tan. Iha komparasaun, iha numeru respondente ne’ebe mak aas tebes sente katak kuida saude (pursentu 79), edukasaun (pursentu 78), no eletrisidade (pursentu 71) ne’ebe sai diak liu tinan kotuk.

Apesar husi faktu sira ne’ebe hatudu katak iha insidente balu iha eleisaun 2012, iha nota ida katak pursentu 66 husi respondente dehan sira “preukupa teb-tebes” violensia bele akontese iha sira nia munisipiu durante eleisaun iha 2017. Timor-Leste iha esperiensia insidente konaba violensia eleitoral iha kotuk, ida ne’e nota husi durante eleisaun parlamentar iha 2007. 

Metodolojia

Piskiza ne’e halao husi INSIGHT Lda., nia sede iha Dili, Timor-Leste, ne’ebe hetan supervisaun husi Chesapeake Beach Consulting no IRI entre Novembru 7 no Novembru 24, 2016.  Dadus 2013 ne’ebe mai husi dadus husi piskiza IRI ne’ebe halao ona iha Setembru 18 to’o Outubru 19, 2013 no dadus iha 2008 husi piskiza IRI ne’ebe halao ona entre iha Novembru 10 no Desembru 16, 2008.

Dadus ne’e halibur husi povu, intervista ba iha uma-kain sira iha munisipiu 12 no Rejiaun Administrasaun Espesial Oecusse husi Timor-Leste. Respondente ne’ebe hetan intervista hamutuk 1,200 respondente ho tinan 17 ba leten, no ida ne’e representativu ba idade  nasional ne’ebe bele tuir votasaun, ho pursentu 99 rasio responde. Kalkulu eru la liu mais ka menus pursentu 2.9 entre mediu nivel konfiansa pursentu 95. Informasaun iha relatoriu ne’e kompila tuir metodolojia piskiza sira padraun merkadu internasional no metodolojia piskiza sosial sira. Figura sira iha grafiku no tabela ne’e bele la hanesan lolos pursentu 100 kuandu konta fila ninia pursentu.

###